Qaıda júr dep ata-anamdy sókpeńiz,
Qar ústinde tamaq izdep ketken iz.
Jer betinen jaıly oryn taba almaı,
Tún ortasy ushyp kettik kókke biz!

Endi bizder mektep, baqsha barmaımyz,
Endi dápter, sómke satyp almaımyz, 
Endi bizge berseńder de han saraı, 
İshin shashyp, oınap, asyr salmaımyz!

Ýaqyt bop, aıyryldyq jas jannan,
Ómirimiz tar bólmede bastalǵan.
Barlyq bala baqytty ómir súrsinshi,
Biz olardy baqylaımyz, aspannan!

Qastaryńda bolsyn daıym anańyz,
Áketaıyń bolsyn daıym panańyz,
Bul ómirden páter kórmeı ketsek te,
Ujymaqta záýlim saraı salamyz!

Endi aıazdan eshbir sábı tońbasyn,
Jaýqazyn gúl ashpaı jatyp solmasyn,
Urpaǵyńnyń jaryq bolyp mańdaıy,
Otanymda esh jamandyq bolmasyn!!!

Avtory: Keńshilik Tyshqanuly